19.11.2017

გ. ლორთქიფანიძის სახ. რუსთავის მუნიციპალურ თეატრში გაიმართა მულტიეთნიკური ხელოვნების ფესტივალი „ერთი ცის ქვეშ - კულტურათა დიალოგი“.

ფესტივალი მრავალფეროვანი პროგრამით იყო წარმოდგენილი. გაიმართა კონცერტი, რომელშიც მონაწილეობას ეთნიკური უმცირესობების წარმომადგენელი ახალგაზრდები იღებდნენ.

ქორეოგრაფიული და მუსიკალური ნომრები საქართველოს სხვადასხვა რეგიონიდან ჩამოსულმა ანსამბლებმა შეასრულეს.

ფესტივალი ტარდება შერიგებისა და სამოქალაქო თანასწორობის საკითხებში სახელმწიფო მინისტრის აპარატის, საქართველოს კულტურისა და ძეგლთა დაცვის სამინისტროს, საქართველოს კომპოზიტორთა შემოქმედებითი კავშირისა და საქართველოს გაეროს ასოციაციის მხარდაჭერით.

წლევანდელი ფესტივალი ტოლერანტობის კვირეულის დახურვას მიეძღვნა, ხოლო ფესტივალის ორგანიზატორს, კომპოზიტორ მანანა ალფაიძეს “ტოლერანტობის ქომაგის” საპატიო წოდება მიენიჭა.